O Porto de Vigo é sen dúbida unha das unidades económicas e de prestación de servizos máis importantes da Comunidade Autónoma. Non obstante, as actividades portuarias que nel se realizan non son alleas á súa interacción co medio, polo que deben tomarse todas as medidas posibles para minimizar o seu posible impacto.
A Autoridade Portuaria de Vigo, como xestora do Porto, marca como un obxectivo prioritario dentro do seu marco estratéxico empresarial, o desenvolvemento dunha xestión portuaria sostible, vinculando o desenvolvemento socioeconómico do Porto coa protección do medio, asumindo toda a dimensión de defensa ambiental da Ría de Vigo baseada en:
Tráficos limpos
Estudios de impacto en todas as obras.
Rigoroso control das concesións.
Formación e sensibilización da comunidade portuaria.
Rexeneración de espazos degradados.
Para iso, desenvolveuse un sistema de xestión ambiental que, ademais de integrar a compoñente ambiental en todas as actividades da Autoridade Portuaria, contempla a necesidade dun comportamento de estrito respecto ao medio por todas as actividades que se desenvolven no Porto. Para alcanzar este obxectivo, a Autoridade Portuaria de Vigo, no ámbito da súa competencia, asume os seguintes compromisos:
| 1. |
Integrar as consideracións ambientais nos procesos de ordenación, planificación e xestión do dominio público portuario, harmonizando os recursos e as necesidades.
|
| 2. |
Operar no marco do cumprimento legal aplicable, así como dos compromisos de carácter ambiental acordados voluntariamente con terceiros.
|
| 3. |
Aplicar medidas para que as operacións e actividades que se desenvolvan no espazo portuario se leven a cabo cos medios adecuados para evitar, previr ou minimizar a contaminación.
|
| 4. |
Asignar recursos técnicos, humanos e financeiros para optimizar o sistema de xestión ambiental e impulsar a mellora do comportamento ambiental da comunidade portuaria, considerando o uso das mellores técnicas dispoñibles que compatibilicen a actividade, o ámbito cidadán e ambiental.
|
| 5. |
recoller e dar resposta a comunicacións relacionadas coa xestión ambiental do Porto.
|
| 6. |
Mellorar, dende o punto de vista Medioambiental, o ámbito adscrito á autoridade portuaria de vigo, asi como rehabilitar a liña de litoral deteriorada por concesións extintas (Artigo 125 lei 48/2003 de réxime económico e prestación de servizos dos portos de interese xeral).
|
| 7. |
Implicar o seu persoal e o que traballe para ela, así como ao persoal das empresas que prestan servizos portuarios e das concesións e usuarios do Porto, no respecto ao medio, ofrecéndolles a información e formación oportuna.
|
| 8. |
Cooperar coas empresas do Porto e outras Administracións Públicas na prevención e loita contra a contaminación do ámbito portuario.
|
| 9. |
Impulsar a realización de estudos e investigacións relacionadas coa protección do medio, así como colaborar para iso con outras entidades, organizacións ou empresas, de acordo coas súas competencias.
|
Vigo, setembro, 2006
O DIRECTOR O PRESIDENTE
>sistema de xestión ambiental (descargar tríptico en castelán)
|
|